.
.
.
اليوم مثل ما أنتو شايفين راح اتكلم عن تجربتي لماسكات "ذا فيس شوب"
بالبدايه كلنا عارفين ان الماسكات ماتشيل الحبوب والاثار من الاخر ! كثير يقولون حنا نحط ماسكات بس ماتروح حبوبنا والخ لكن معروف ان الماسكات ماتسوي كل هذا ماراح اتكلم عن البشره الا بعدين
شريت ماسك الرمان وماسك الأرز بأخر الموضوع راح اكتب اسعارهم
تجربتي والنتيجه:
ماسكاتهم جداً جميله امس جربت واحد صدق يخلي البشره طريه من قلب وناعمه زي بشرة الاطفال وغير كذا هذا اعطت بشرتي شوي لمعه يعني اذا من استخدام واحد صارت بشرتي كذا اذا استمريت وش راح يصير؟ كثير منتجات نستخدمها مره وحده ولا نعيدها لأنها مافادتنا ولا ضرتنا تخسرين 20 ريال على الفاضي لكن هذا استعمال واحد وشهادتي فيه مجروحه جميل وانصح للي بشرتهم باهته ومافيها لمعان يستخدمه طبعاً ازين شي الماسك تحطينه اذا بتروحين مناسبه زواج ... الخ لكن مايمنع انك اذا صرتي فاضيه بالبيت ماتحطينه بالعكس داومي على الماسكات وتشوفين نتيجه مرضيه
بالنسبه للأسعار كثير حبيتها واللي على جمب هذا مو ماسك هذي لصقات الأنف للرؤس السوداء للأمانه للحين ماجربتها بس حقة المحل قالت ان هذي اكثر شي ينباع عندنا يعني اكيد جميلات ويستحقون تعيدون التجربه ان شاءالله
الأسعار:
سعر ماسك الرمان : 25 ريال
سعر ماسك الأرز : 12 ريال
سعر لصقات الأنف : 20 ريال
ان شاءالله بجرب صنفرتهم وكريماتهم وبقولكم رأيي فيهم من وجهة نظري هالمحل هذا ينعاد مره ثانيه وبجداره ويستاهل انك تضيعين فلوسك عليه اتمنى استفدتوا من الموضوع وشكراً لكم